Мікалай Сванідзэ: «Гэта ўсё розныя бакі такога, увогуле, класічнага фашыстоўскага грамадства»

Расейскі журналіст, гісторык Мікалай Сванідзэ распавёў пра наступствы прапаганды ў расейскіх СМІ.

- Гэта вельмі небяспечны трэнд, таму што ў канчатковым рахунку гэта... Я не люблю дарэмна казаць гэтае слова, але ў канчатковым рахунку гэта, я б сказаў, такая, вельмі добрая падстава для фашызацыі грамадства, таму што грамадству прапануюцца ідэалы ў выглядзе брутальнасці на ўсіх узроўнях і ўнутраным, і вонкавым, і гэтак далей, - сказаў ён у інтэрв'ю «Эхо Москвы». - У выглядзе шавінізму, які так булькоча ўнізе пад тонкай-тонкай скарыначкай такой, дзяржаўнай карэктнасці. Але ў кожны момант яе гатовы прабіць. У выглядзе мілітарызму. У выглядзе папулізму досыць агрэсіўнага. У выглядзе антылібералізму і антызаходніцтва.

А гэта ўсё розныя бакі такога, увогуле, класічнага фашыстоўскага грамадства і фашыстоўскага рэжыму. Улада, верагодна, не зусім сабе ўяўляе, што яна робіць, бо ёй хочацца мець таварыства, вертыкальна арганізаванае, згуртаванае вакол правадыра, з высокім рэйтынгам правадыра, з высокім пачуццём патрыятызму. Гэта ўсё добрыя словы, даволі прыгожыя, прыемныя для вуха.

А ў канчатковым рахунку, вось, калі ты да гэтага імкнешся, атрымліваецца нешта зусім іншае. І, вось, многае зроблена для таго, каб менавіта гэтым шляхам цяпер нашае грамадства і ішло.