«Вялікая сямёрка»: Мы адзіныя ў падтрымцы суверэнітэту Украіны
29- 3.03.2014, 10:08
- 50,744
Лідары G-7 асудзілі агрэсію Расеі супраць Украіны.
Пра гэта гаворыцца ў калектыўнай заяве лідараў «Вялікай сямёркі».
«Мы, лідары Канады, Францыі, Германіі, Італіі, Японіі, Велікабрытаніі і ЗША з Прэзідэнтам Еўрапейскага Савета і прэзідэнтам Еўрапейскай камісіі, аб'ядналіся сёння, каб асудзіць відавочнае парушэнне Расейскай Федэрацыяй суверэнітэту і тэрытарыяльнай цэласнасці Украіны, што супярэчыць абавязацельствам Расеі ў адпаведнасці са Статутам ААН і яе базавага пагаднення з Украінай ад 1997 года», - гаворыцца ў тэксце паведамлення, якое цытуе УНІАН.
Аўтары заявы заклікалі Расею вырашыць любыя спрэчныя пытанні з Украінай у ходзе перамоваў або ў ходзе Міжнароднай назіральнай місіі, а таксама выказалі гатоўнасць дапамагчы ў наладжванні гэтага працэсу.
«Адзначым, што дзеянні Расеі ва Украіне таксама парушаюць прынцыпы і каштоўнасці, на якіх грунтуюцца G-7 і G-8. Такім чынам, мы вырашылі пакуль прыпыніць наш удзел у дзейнасці, звязанай з падрыхтоўкай запланаванага саміту G-8 у Сочы ў чэрвені, пакуль абставіны не зменяцца на такія, пры якіх змястоўная дыскусія будзе магчымая.
Мы адзіныя ў падтрымцы суверэнітэту Украіны і яе тэрытарыяльнай цэласнасці, а таксама яе права выбіраць сваю будучыню. Мы абавязваемся падтрымліваць Украіну ў яе намаганнях па аднаўленні адзінства, стабільнасці і палітычнага і эканамічнага здароўя ў краіне. З гэтай мэтай мы будзем падтрымліваць працу Украіны з Міжнародным валютным фондам, каб абмеркаваць новую праграму і рэалізаваць неабходныя рэформы. Падтрымка МВФ будзе мець вырашальнае значэнне ў атрыманні дадатковай дапамогі ад Сусветнага банка і іншых міжнародных фінансавых інстытутаў, ЕЗ і двухбаковых крыніц», - гаворыцца ў паведамленні.