Мушарафа абвінавацілі ў дзяржаўнай здрадзе
1- 31.03.2014, 9:49
- 4,968
Пакістанскі суд абвінаваціў былога прэзідэнта Пярвеза Мушарафа ў дзяржаўнай здрадзе.
Пра гэта 31 сакавіка паведамляе Agence France-Presse.
Абвінавачванні звязаныя з тым, што ў 2007 годзе ён, будучы прэзідэнтам, увёў на тэрыторыі краіны надзвычайнае становішча, якое значна пашырыла яго паўнамоцтвы. Пярвезу Мушарафу былі зачытаныя пяць пунктаў абвінавачванняў, па кожным з якіх ён адмовіўся прызнаць сябе вінаватым, перадае Lenta.ru.
У адпаведнасці з заканадаўствам краіны, здрада караецца пакараннем смерцю або пажыццёвым зняволеннем.
Мушараф кіраваў краінай з 1999 па 2008 гады. Пасля выхаду ў адстаўку ён пакінуў краіну, аднак у 2013 годзе вярнуўся дзеля ўдзелу са сваёй партыяй у парламенцкіх выбарах. Новыя ўлады краіны, аднак, завялі на яго цэлую серыю крымінальных спраў і змясцілі пад хатні арышт.