Мірны вярнуўся ў Топ-20 наймацнейшых парных тэнісістаў

У новым рэйтынгу АТП, апублікаваным 31 сакавіка, беларускі спартсмен падняўся на 5 радкоў і зараз займае 18-е месца.

З Топ-20 Мірны выбыў 10 чэрвеня мінулага года.

На мінулым тыдні Мірны і іспанец Фелісіяна Лопес дайшлі да чвэрцьфіналу турніру серыі «Мастэрс» у Маямі. Лопесу гэта дазволіла перамясціцца з 96-га на 75-е месца, паведамляе БелаПАН.

Мірны ўзначальваў парны рэйтынг з 9 чэрвеня па 7 верасня 2003 года, з 20 кастрычніка 2003 года па 1 лютага 2004 года, з 29 студзеня па 15 красавіка 2007 года і з 7 траўня па 9 верасня 2012 года.