На скрыжаванні ў цэнтры Менска згарэў Volkswagen

Сёння ў гадзіну пік на скрыжаванне вуліц Першамайскай і Янкі Купалы выехалі супрацоўнікі экстранных службаў.

Там адбылося ўзгаранне аўтамабіля Volkswagen Polo, паведаміў памочнік начальніка гарадскога ўпраўлення МНС Віталь Дэмбоўскі. Крыху пазней стала вядома, што гэтаму папярэднічала сутыкненне з Renault Megane. У ДАІ ўдакладнілі: пацярпела дзяўчына, якая ехала за рулём гэтай машыны, піша onliner.by.

«Паведамленне аб узгаранні паступіла ў 08:54, ліквідаванае ўзгаранне ў 09:03, - удакладніў Віталь Дэмбоўскі. - Volkswagen Polo (1996 г. в.) выгарэў цалкам».

Журналісту ўдалося пагаварыць на месцы здарэння з кіроўцам Volkswagen. Мужчына знаходзіўся ў шоку. Ён выкладчык аднаго з ВНУ. Распавёў, што рухаўся з боку парку ім. Горкага да стадыёна «Дынама».

«Дзяўчына на сустрэчным Renault спрабавала праскочыць, дакладней павярнуць налева, - распавёў сваю версію кіроўца хэтчбэка. - Але не паспела. Мне не было куды сыходзіць: злева шмат машын, а справа пешаходы».

У ДАІ Партызанскага раёна дапоўнілі, што пацярпела кіроўца (1987 г. н.) Renault. З папярэднім дыягназам «удар грудной клеткі» яе даставілі ў бальніцу.

«Сапраўды, яна рабіла паварот налева, і адбылося сутыкненне з Volkswagen, - распавяла старэйшы інспектар па агітацыі і прапагандзе ДАІ раёна Таццяна Таляронак. - Па факце ДТЗ праводзіцца праверка».