Ежы Бузэк: Вызваленне ЕЗ ад расейскай энергазалежнасці - пытанне двух гадоў
11- 31.03.2014, 12:55
- 9,841
Адмова Еўропы ад расейскіх энерганосьбітаў будзе самай адчувальнай санкцыяй супраць Крамля.
Пра гэта ў інтэрв'ю газеце Rzeczpospolita заявіў былы прэм'ер-міністр Польшчы і старшыня Еўрапарламента, цяпер еўрадэпутат ад «Грамадзянскай платформы» (PO) Ежы Бузэк (пераклад - charter97.org).
«Вызваленне Еўразвяза ад расейскай энергазалежнасці сапраўды рэальна. Эксперты інстытута Брэйгеля падлічылі, што пры вялікай рашучасці і салідарнасці Еўропа магла б цалкам стаць незалежнай ад газу з Расеі на працягу года. Гэта абыдзецца ў 10,8 млрд. еўра - 0,08% ВУП ЕЗ. Не ўпэўнены наконт года, але на працягу двух дакладна. Адмова Еўропы ад расейскай энергіі будзе для Масквы самой адчувальнай санкцыяй», - перакананы ён.
Палітык падкрэсліў, што ў такім выпадку эканоміку Расеі чакае крах.
«Расейская эканоміка - гэта ў першую чаргу продаж сыравіны. У Еўропу яна экспартуе каля 80% газу. Не трэба тлумачыць, што здарыцца, калі яна страціць гэты рынак. Праўда, РФ магла б павялічыць пастаўкі ў Кітай, але не на шмат. Перш за ўсё - яна была б вымушаная інвеставаць у будаўніцтва новых трубаправодаў, што праблематычна. Змяненне стратэгіі для Расеі будзе азначаць неймаверныя страты», - адзначыў Бузэк.