Клічко заклікаў Цімашэнка не ісці ў прэзідэнты

На яго думку, экс-прэм'ер павінна падтрымаць Пятра Парашэнку.

Лідар партыі УДАР Віталь Клічко заклікаў кіраўніка «Батькивщины» Юлію Цімашэнка не балатавацца на пасаду прэзідэнта Украіны. Пра гэта ў панядзелак, 31 сакавіка, ён напісаў у сваім артыкуле для нямецкага выдання Bild, перадае «Корреспондент».

«Пётр Парашэнка ў цяперашні час мае ў апытаннях найбольшую падтрымку - і менавіта таму я яго падтрымліваю. Юлія Цімашэнка таксама павінна ўзяць на сябе адказнасць і падтрымаць Парашэнку», - напісаў Клічко.

Лідар УДАРу таксама паабяцаў выканаць усе абяцанні, якія раней давала апазіцыя, на пасадзе мэра Кіева.

«Для мяне асабіста, гэта страта не азначае, што я буду працаваць менш для Украіны, а як раз наадварот. Асноўныя рэформы пачнуцца ў Кіеве і ад сталіцы будзе ўсё залежаць. Я хацеў бы на пасадзе мэра выканаць абяцанні, якія мы далі людзям: рэформы, барацьба з карупцыяй, будаўніцтва новай Украіны», - дадаў лідар УДАРу.

У суботу, 29 сакавіка, на з'ездзе партыі УДАР Віталь Клічко, выступаючы на рускай мове, заявіў, што не будзе вылучаць сваю кандыдатуру; замест гэтага ён вырашыў балатавацца на пасаду мэра Кіева. Кандыдатам ад УДАРу стаў вядомы бізнесмен Пётр Парашэнка. На думку Клічко, Парашэнка мае найбольшы рэйтынг і легітымнасць сярод магчымых кандыдатаў на пасаду прэзідэнта.