На галоўнай вуліцы Саўт-Рывэра ўзнялі бел-чырвона-белы сцяг

У мястэчку Саўт-Рывер (штаце Нью-Джэрсі) адзначылі Дзень Волі.

Беларускі сцяг быў урачыста ўзняты ў прысутнасці прадстаўнікоў гарадской улады і беларуска-амерыканскай абшчыны, у суботу, 29 сакавіка, на галоўнай вуліцы горада каля будынку бібліятэкі-музея, піша «Наша Нiва».

У нядзелю 30 сакавіка ў царкве святой Еўфрасінні Полацкай была прачытаная з нагоды гадавіны абвяшчэння незалежнасці БНР малітва за дабрабыт беларускага народа.

Бел-чырвона-белы сцяг будзе вісець на цэнтральнай вуліцы горада на працягу гэтага тыдня.