Польшча і ЗША праводзяць сумесныя ваенныя вучэнні
- 31.03.2014, 16:35
- 6,099
Недалёка ад Познані пачаліся сумесныя польска-амерыканскія паветраныя вучэнні.
З гэтай мэтай у Польшчу прыляцелі амерыканскія вайскоўцы, дыслакаваныя на тэрыторыі базы Рамштайн у Германіі. Прэс-афіцэр капітан Владзімеж Баран адзначае, што гэта рэгулярнае мерапрыемства, якое таксама праходзіла вясной і восенню мінулага года. Паводле яго слоў, вучэнні не звязаныя з апошнімі падзеямі ва Украіне, паведамляе Polskie radio.
Удзел у вучэннях бяруць транспартныя самалёты "Геркулес", якія належаць Польшчы і ЗША, польскія знішчальнікі МіГ-29 і больш за сто амерыканскіх і польскіх салдат. У праграме прадугледжаныя манеўры, высадка дэсантнікаў і парашутыстаў.