У Нідэрландах на 3D-прынтары друкуюць жылы дом (Відэа)

Спіс рэчаў, якія здольны надрукаваць 3D-прынтэр, працягвае пашырацца.

У Амстэрдаме пачаўся друк поўнапамернага дома, які будзе працягвацца тры гады. Пры ўзвядзенні будынка выкарыстоўваецца KarmaMaker, прамысловы 3D-прынтэр, які стварае вялікія пластыкавыя сцены, паведамляе РБК Стиль у панядзелак 31 сакавіка.

З гэтых сцен затым збіраюць пакоі, а з пакояў - сам дом. У фінальным варыянце «надрукаванага» збудавання асобных пакояў будзе трынаццаць, падмурак будынка зробяць з лёгкага бетону.

«Мы ўсё яшчэ ўдасканальваем тэхналогію. Тэсты працягнуцца на працягу наступных трох гадоў, бо ўсё гэта - адзін вялікі эксперымент», - сказаў Хедвіг Хайнсман, прадстаўнік кампаніі Dus Architects.

Эксперымент дарэчы, прыцягнуў увагу прэзідэнта ЗША Барака Абамы, які знаходзіўся ў Амстэрдаме з візітам і выказаў жаданне асабіста паглядзець на прататып.

Калі тэхналогія прыжывецца і будзе сапраўды практычнай, яна цалкам можа змяніць будаўнічую індустрыю. Па-першае, колькасць і кошт транспарціроўкі будаўнічага смецця значна знізяцца.

У прынтары выкарыстоўваецца распрацаваны кампаніяй Henkel біяпластык - сумесь расліннага алею і мікрафібры. Таму непатрэбныя офісы і нават цэлыя жылыя кварталы можна будзе лёгка «пераплавіць» і зрабіць з іх што-небудзь новае.

Па словах стваральнікаў праекта, магчымасці сапраўды каласальныя. У выпадку стыхійных бедстваў можна будзе забяспечыць надрукаваным жыллём пацярпелых, а багатым напэўна спадабаецца ідэя стварэння нумару люкс у раскошным гатэлі, сканструяванага з улікам іх пажаданняў. У гэтым выпадку пластык можна замяніць на мармуровы пыл ці іншы, больш вытанчаны, матэрыял.

У дадзены момант створаны трохметровы тарэц будынка вагой у 180 кілаграмаў. Новыя часткі дома будуць «чапляцца» да яго, як у канструктары Lego. Калі нейкая з іх не падыдзе, яе лёгка можна «адчапіць» і замяніць на іншую.