Данецкая аблрада патрабуе «закон аб рэферэндуме»
29- 31.03.2014, 19:15
- 26,225
Данецкая абласная рада і яе галава Андрэй Шышацкі звярнуліся да Вярхоўнай Рады Украіны.
Дэпутаты патрабуюць зрабіць захады для "стабілізацыі сітуацыі ў краіне", уключаючы прыняцце закона аб рэферэндуме і дзяржаўны статус расейскай мове.
Тэкст ліста абнародаваны на сайце аблрады.
"Апошнія падзеі ва Украіне прычыніліся да абвастрэння палітычнай сітуацыі і крымінагеннага становішча", - пазначана ў заяве.
"Асобныя папулісцкія крокі новай улады проста вядуць да сацыяльна-эканамічнага крызісу і выклікаюць устурбаванасць у нашых грамадзян.
У Данецкай аблрадзе заяўляюць, што "кансалідацыя супольных намаганняў канструктыўных сіл грамадства, накіраваных на дасягненне палітычнай стабільнасці, захаванне грамадзянскага спакою і згоды магчымая толькі праз прыняцце Вярхоўнай Радай Украіны новай рэдакцыі Канстытуцыі Украіны і шэрагу першачарговых законаў".
У Шышацкага прапаноўваюць:
неадкладна аднавіць працу Канстытуцыйнай Асамблеі, створанай указам Януковіча ў 2012 годзе.
У склад Асамблеі ўключыць прадстаўнікоў органаў мясцовага самакіравання, а менавіта абласных рад, прапарцыйна колькасці насельніцтва адпаведнай вобласці.
Першачарговымі задачамі Канстытуцыйнай Асамблеі варта прызнаць распрацоўку новай рэдакцыі Канстытуцыі Украіны, якая гарантуе:
- Дэцэнтралізацыю ўлады шляхам павелічэння паўнамоцтваў і адказнасці мясцовага самакіравання за стан спраў у рэгіёне;
- Стварэнне выканаўчых органаў абласных і раённых рад;
- Стварэнне (да правядзення парламэнцкіх выбараў) дзвюхпалатнага парламэнта, у якім вышэйшая палата будзе выказваць інтарэсы рэгіёнаў, а яе чальцам будзе нададзенае права заканадаўчай ініцыятывы.
Акрамя ўсяго іншага Данецкая аблрада патрабуе даць расейскай мове статус другой дзяржаўнай мовы шляхам ўнясення адпаведных змен у Канстытуцыю Украіны.
Вярхоўнай Радзе таксама прапануюць пільна разгледзець пытанне наконт прыняцця Закона Украіны "Аб мясцовым рэферэндуме", узяўшы за аснову законапраект (рэгістр.№ 0867 ад 12.12.2012), пасля правядзення яго шырокага абмеркавання і дапрацоўкі.
Парламэнт просяць "падтрымаць прапановы Данецкай абласной рады і спрыяць іх разгляду Вярхоўнай Радай Украіны ў першачарговым парадку".
Як вядома, Шышацкі выйшаў з Партыі рэгіёнаў у пачатку сакавіка.
Як вядома, у сцэнары стабілізацыі сітуацыі ва Украіне, які прапаноўвала Расея, гучала ідэя падрыхтоўкі новай федэрацыйнай канстытуцыі і статус дзяржаўнай для расейскай мовы.
Фота: telegraf.dn.ua