Інтэрпол абвясціў у вышук паплечніка Януковіча

Экс-губернатара Чаркаскай вобласці Сяргея Тулуба абвясцілі ў міжнародны вышук.

Пра гэта паведамляе Прочерк і часова в.а. начальніка ўправы барацьбы з арганізаванай злачыннасцю УМУС у Чаркаскай вобласці падпалкоўнік міліцыі Сяргей Дзенісенка. Са слоў прадстаўніка міліцыі, Сяргей Тулуб, напэўна, знаходзіцца за мяжой, бо апошні раз яго бачылі падчас пералёту з данецкага аэрапорта ў Стамбул. Дзенісенка распавёў, што з Данецка беглы губернатар вылецеў 23 лютага. Ва Украіну ён не вяртаўся.

«Згодна з інфармацыяй памежнай службы, дагэтуль ён не перасякаў дзяржаўную мяжу Украіны. Ён абвешчаны ў міжнародны вышук. Цяпер ім займаецца Інтэрпол», - паведаміў ён.

Як вядома, падчас студзеньскіх пратэстаў у Чаркасах адным з патрабаванняў мітынгоўцаў была адстаўка Тулуба. Яны ўзялі штурмам будынак абласной адміністрацыі, які потым міліцыя адбіла назад, затрымаўшы некалькіх актывістаў. Пазней невядомыя асобы наладзілі правакацыю, зрабіўшы спробу новага штурму, якая скончылася збіццём пратэстоўцаў і «аўтамайданаўцаў» сілавікамі. У лютым, з абвастрэннем пратэстаў ва Украіне, Тулуб напісаў заяву аб адстаўцы. 25 лютага яго абвясцілі ў вышук за растрату дзяржаўных сродкаў.