КДК выявіў прыпіскі ў калгасах Гомельскай вобласці

У Ельскім, Калінкавіцкім і Кастрычніцкім раёнах прыпіскі малака ў мясцовых гаспадарках склалі да 10% ад агульнага аб'ёму гадавога вытворчасці.

Такія факты выявіў падчас праверак Камітэт дзяржкантролю Гомельскай вобласці, паведамляе БелаПАН.

Да прыкладу, у КБУП «Ельск» 217 няісных цялят толькі за чэрвеня 2013 г. «выпілі» больш за 30 тон цэльнага малака. Усяго за 2013 год у КБУП «Ельск» прыпіскі валавой вытворчасці малака склалі больш за 400 тон. За няісны аб'ём надоенага малака работнікі сельгасарганізацыі атрымалі заробак у 62 млн. рублёў.

Акрамя таго, падчас праверкі КБУП «Ельск» устаноўленыя прыпіскі прыбаўленняў у вазе буйной рагатай жывёлы ў агульнай колькасці больш за 25 тон.

Матэрыялы праверак перададзеныя ў праваахоўныя органы для дачы прававой ацэнкі дзеянням службовых асоб згаданых сельгасарганізацый.

Цяпер у сельгасарганізацыях вобласці доўжацца праверкі. Паводле папярэдніх звестак Камітэта дзяржкантролю, там прыпіскі не саступаюць вышэйпаказаным.