Праваабаронца Майдана: Януковіч памёр ад сардэчнага прыступу

Афіцыйных пацверджанняў гэтай інфармацыі пакуль няма.

Актывіст Еўрамайдана, праваабаронца Міхаіл Лебедзь паведамляе пра смерць былога прэзідэнта Украіны Віктара Януковіча ад сардэчнага прыступу. Лебедзь спасылаецца на сябра з Растоўскага кардыяцэнтра.

«Толькі што пра гэта па тэлефоне мне сказаў сябра з Растоўскага кардыяцэнтра. Яныка прывезлі туды каля 11 ночы 3 сакавіка з сардэчным прыступам, а праз гадзіну ён памёр», - напісаў Лебедзь у «Фэйсбуку».

Рэдакцыя LB.ua звязалася з актывістам, каб пераканацца, што яго акаўнт на сацыяльнай сетцы не быў узламаны. На пытанне нашага журналіста, ці праўдзівая інфармацыя аб Януковічы, Лебедзь адказаў: «Не паверыш. Так».