ЗША накіравалі ў Чорнае мора авіяносец «Джордж Буш»

ЗША адправілі ў кірунку да Чорнага мора авіяносец USS George HW Bush з-за ўварвання расейскай арміі ў Крым.

"У адказ на расейскае ўварванне ЗША адправілі ўдарную групу на авіяносцы ў кірунку Чорнага мора, каб мець магчымасць рэагаваць на развіццё падзей на Крымскім паўвостраве ва Украіне", - гаворыцца ў паведамленні сайце Turner Radio Network RSS Feed.

Авіяносец суправаджаюць семнаццаць іншых караблёў і тры субмарыны, якія 3 сакавіка прайшлі праз Эгейскае мора, піша ukranews.com.

Таксама сцвярджаецца, што дадзены авіяносец на сваім борце перавозіць 90 самалётаў, уключаючы верталёты розных тыпаў, і некалькі знішчальнікаў F-22 Raptors.

Кожная субмарына мае дваццаць чатыры ракетныя шахты для запуску ядзерных боегаловак.

Нагадаем, расейскія вайскоўцы з канца лютага штодня здзяйсняюць спробы захапіць воінскія часткі Узброеных сіл Украіны ў Крыме.

3 сакавіка Расея патлумачыла сваю прысутнасць у Крыме тым, што адхілены Вярхоўнай Радай ад выканання функцый прэзідэнта Віктар Януковіч заклікаў прэзідэнта Расеі Уладзіміра Пуціна выкарыстоўваць расейскія войскі на тэрыторыі Украіны для стабілізацыі сітуацыі ў краіне.

Фота: wikipedia