Украінцы поштай вяртаюць Лук'яненку яго кнігі

Такім чынам украінцы адказваюць на хамскія выказванні расейскага пісьменніка.

«У цяжкія часы трэба сябе неяк цешыць. Напрыклад, аплаціла камунальныя рахункі. Сёння гэта рабіць прыемна. А потым я зайшла на пошту, абрала ёмістую скрынку і паклала туды ўсе знойдзеныя дома кніжкі Сяргея Лук'яненкі, каб адправіць яму назад. Вядома, іх можна было: а) выкінуць, б) спаліць. Але мяне на выдавецкай справе выхоўвалі зусім іншым чынам. Таму, здаецца лагічным, каб кнігі Сяргея Лук'яненкі ў сметнік выкінуў сам Сяргей Лук'яненка. Што яму яшчэ застанецца, калі прыйдзе шмат бандеролек ад бандэраўцаў? Асабліва, калі кожную на фарзацы падпісаць «кніга вернутая назад аўтару па прычыне (ваш варыянт)». Дык вось, хачу вам распавесці гісторыю пра жанчыну з пошты, якая пакавала пасылку. Мы з ёй не адразу знайшлі агульную мову. Як мінімум я паводзіла сябе дзіўна, не хацела паказваць зваротны адрас (сышліся на І.В. Пупкінай/да запатрабавання/індэкс аддзялення).

Чарга была доўгая, бланкі не адразу і не тыя і з памылкі запоўненыя, жанчына тлумачыла капрызнай чарзе, што яна вельмі стараецца і за вельмі маленькую зарплату... У выніку забрала маю пасылку, паглядзела змест, паглядзела адрас і пытаецца: «Вы сур'ёзна? Пісьменніку гэта адпраўляеце? Лук'яненку?» Я засмуцілася, уся канспіралогія і старанні не пакінуць адбіткі пальцаў - усё дарма. Мяне рассакрэцілі. І тут жанчына кажа наступнае: «Упершыню шкадую, што ў мяне няма яго кніг. І заробак падобныя пасылкі не дазваляе. Так бы я яму ўсё адправіла. Усё. Назад. Каб ён зразумеў, як ён асабіста мяне пакрыўдзіў».

Хлопцы, каму дазваляе зарплата і хто яшчэ не выкінуў кнігі Лук'яненкі, схадзіце на пошту, адпраўце парачку яшчэ і за гэтую жанчыну», - піша ў сацыяльнай сетцы ўкраінка Вольга Закрэўская.

Нагадаем, вядомы расейскі пісьменнік Сяргей Лук'яненка забараніў перакладаць свае кнігі на ўкраінскую мову.