Дарадца Генеральнага сакратара ААН прыбыў у Крым

Старэйшы дарадца генеральнага сакратара Арганізацыі Аб'яднаных Нацый Роберт Сэра прыбыў у Крым.

Пра гэта паведамляе ўкраінская служба BBC са спасылкай на ААН.

На мінулым тыдні ў пятніцу пасля кансультацый у Радзе бяспекі ААН генеральны сакратар Пан Гі Мун даручыў спадару Сэра адправіцца ў Крым у рамках яго місіі па ўстанаўленні фактаў.

Але ў суботу Роберт Сэра заявіў, што ён звязаўся з уладамі Крыма і "прыйшоў да высновы, што наведванне Крыма не ўяўляецца магчымым".

Затым ён адправіўся ў Жэневу на сустрэчу з генеральным сакратаром ААН і ў панядзелак зноў вярнуўся ў Кіеў.

"У аўторак у другой палове дня ў штаб-кватэры ААН у Нью-Йорку абвясцілі, што Роберт Сэра прыбыў у Крым", - гаворыцца ў паведамленні ААН.