Януковіч пачаў будаваць міні-палац для сваёй палюбоўніцы
4- 5.03.2014, 13:16
- 31,119
«Межыгор'я» экс-прэзідэнту Украіны Віктару Януковічу было мала.
У 200 метрах ад галоўных варот «Межыгор'я» кампанія, падпарадкаваная Януковічу, пачала будаўніцтва раскошнага асабняка для сужыцелькі экс-прэзідэнта Любові Паляжай, інфармуе еizvestia.com.
Тое, што дом належыць Паляжай, сведчаць дакументы, якія журналісты знайшлі ў кабінеце дырэктара «межыгорскага ЖЭКа», які займаўся будаўніцтвам.
Акрамя таго, толькі ў Новых Пятроўцах кампаніям Януковіча належаць некалькі будынкаў. Да таго ж у Януковіча і яго сям'і было некалькі пентхаўсаў у элітных дамах Кіева.
Нагадаем, Любоў Паляжай была сужыцелькай былога прэзідэнта 63-гадовага Віктара Януковіча. Жыла разам з ім і дачкой Марыяй у рэзідэнцыі «Межыгор'е». Афіцыйна прэзідэнт не быў разведзены з Людмілай Януковіч.
Любоў Паляжай родам з роднага горада Януковіча Енакіева. З'яўляецца роднай сястрой яго кухаркі Надзеі Марынцавай. Дачка Марыя тры гады вучыцца ў Пячэрскай міжнароднай школе. Лепшай сяброўкай лічыць 16-гадовую Марыю Фадзееву, унучку экс-генпракурора Віктар Пшонкі.
Сёння экс-прэзідэнт Украіны Віктар Януковіч са сваімі сынамі знаходзіцца ў Расеі. Дзе знаходзяцца Любоў Паляжай і яе дачка, пакуль невядома.