Здраднік Беразоўскі пераманьвае ўкраінскіх салдатаў (Відэа)

Спробы былога камандзіра ВМС Украіны, які перайшоў на бок сепаратыстаў, прымусіць салдатаў парушыць прысягу праваліліся.

У інтэрнэце з'явілася відэа, на якім Дзяніс Беразоўскі ўгаворвае ўкраінскіх салдат і афіцэраў парушыць прысягу. Звяртаючыся да іх, ён «на пальцах патлумачыў», што Януковіч нібыта з'яўляецца дзеючым прэзідэнтам Украіны, і паабяцаў матэрыяльнае забеспячэнне для часткі і салдатаў.

Некалькі дзён таму Беразоўскі прыняў прысягу на вернасць непрызнанаму прэм'ер-міністру АР Крым Сяргею Аксёнаву, здзрадзіўшы такім чынам Украіне. Да гэтага з пасады камандуючага ВМС ён быў зняты.