Невядомыя захапілі спецпасланца ААН у Крыме
37- 5.03.2014, 20:12
- 21,334
У Сімферопалі невядомыя захапілі спецпасланца генеральнага сакратара ААН Робэрта Серы.
Пра гэта паведаміў дырэктар дэпартамента інфармацыйнай палітыкі МЗС Украіны Яўген Перабійніс, паведамляе «Інтэрфакс-Украіна».
«Серы толькі што паведаміў, што ягоны аўтамабіль у Сімферопалі заблакавалі невядомыя ўзброеныя людзі ва ўніформе і паведамілі, што ў іх каманда адвезці яго ў аэрапорт, - паведаміў дыпламат. - Ён адмовіўся ехаць, і цяпер яго захапілі і ўтрымліваюць невядомыя фактычна ў закладніках».
Раней стала вядома, што прадстаўнікі «самаабароны Крыму» заблакавалі пасланца АБСЕ Дуню Міятавіч ў адным з гатэляў Сімферопаля.