Амерыканцы стварылі «сапраўдны» хаверборд з «Назад у будучыню» (Відэа)
15- 5.03.2014, 20:17
- 25,661
Кампанія HUVr Tech апублікавала ролік, у якім рэкламуецца «сапраўдная» лятальная дошка з фільма «Назад у будучыню».
Для яе прасоўвання быў запрошаны Крыстафэр Лойд, які выконваў ролю Эмэта «Дока» Браўна ў арыгінальнай трылогіі, а таксама амерыканскі музыка Мобі, прафесійны скейтбардыст Тоні Хоўк ды іншыя знакамітасці, піша onliner.by.
Захаваны на відэа хаверборд дазваляе ўзлятаць на вышыню да трох метраў, аўтаматычна ўтрымлівае баланс і не дае чалавеку падаць, а таксама кіруецца з дапамогай прыкладання для смартфона.
Што менавіта прасоўвае HUVr Tech апублікаваным ролікам, пакуль невядома. Відавочна тое, што бюджэт кампаніі досыць вялікі: запрасіць на здымкі зорак далёка не апошняй велічыні каштуе грошай, немалая сума спатрэбілася і на рэалізацыю візуальных эфектаў.
Таямніца, як мяркуецца, будзе раскрытая ў снежні 2014 года, пра што паведамляецца на сайце HUVr Tech.