Польшча і Турцыя - за адзіную Украіну

Польшча і Турцыя падтрымліваюць тэрытарыяльную цэласнасць Украіны ў межах разам з Крымам.

Пра гэта падчас прэс-канферэнцыі ў Анкары заявілі прэзідэнты Польшчы і Турцыі Браніслаў Камароўскі і Абдула Гюль, паведамляе «Укрінформ».

«З маіх размоў з прэзідэнтам Гюлем вынікае, што ў нас ідэнтычны погляд на пытанне падтрымкі Украіны ў яе імкненні захаваць цэласнасць тэрыторыі з улікам таксама і Крыму», - заявіў Камароўскі.

Ён падкрэсліў, што Польшча і Турцыя надаюць палітычную і эканамічную падтрымку ўкраінскай уладзе ў працэсе стабілізацыі сітуацыі ў краіне.

Прэзідэнт Турцыі адзначыў, што Украіна павінна заставацца суверэннай і цэласнай. «Мы за стратэгічнае супрацоўніцтва ў авалоданні сітуацыі ва Украіне, каб ўкраінская тэрыторыя заставалася суверэннай, а незалежнасць гэтай краіны была абароненая», - падкрэсліў турэцкі лідар.

Прэзідэнт Турцыі адзначыў, што канфлікт у Крыме можна развязаць мірным шляхам. Паводле ягоных слоў, цяперашняе напружанне можа прывесці да «халоднай вайны», і трэба зрабіць усё, каб пазбегнуць гэтага.