Прарасейскія штурмавікі захапілі адміністрацыю ў Данецку
16- 5.03.2014, 21:27
- 17,790
Мітынгоўцы прарваліся скрозь кардон байцоў унутраных войскаў і міліцыі.
Будынак Данецкай аблдзяржадміністрацыі захоплены прарасейскімі ўдзельнікамі акцыі пратэсту. Сабраныя прарвалі кардоны байцоў унутраных войскаў МУС Украіны, пасля выламалі ўваходныя дзверы ў адміністрацыйны будынак.
У гэты момант байцы УВ МУС Украіны адступілі ад будынка, а з кабінета кіраўніка абласной дзяржаўнай адміністрацыі на 11 паверсе нехта размахвае сцягам Расеі.
У той жа час на мірным Данецкім Еўрамайдане сабралася не менш за 10 тысяч чалавек.
Нагадаем, 3 сакавіка паўтары тысячы прарасейскіх мітынгоўцаў ўварваліся ў будынак Данецкай АДА з патрабаваннем навядзення канстытуцыйнага парадку ва Украіне і правядзення рэферэндуму.