ГПУ ўзбудзіла справу за блакаванне аэрапорта «Бельбек»
3- 6.03.2014, 11:11
- 7,860
Генпракуратура Украіны адкрыла крымінальную вытворчасць адносна падзей на тэрыторыі ваеннага аэрапорта «Бельбек» у Крыме.
Пра гэта гаворыцца ў афіцыйным паведамленні Генпракуратуры.
Паводле паведамлення, на працягу лютага-сакавіка на тэрыторыі дадзенага аэрапорта незаконна знаходзіліся 2 БТР і 11 грузавых аўтамабіляў без нумарных знакаў. Акрамя гэтага, тут таксама размяшчаліся невядомыя ўзброеныя людзі ў ваеннай форме, якія блакавалі вайсковую частку на аэрадроме. Яны пры гэтым выкарыстоўвалі светлавыя і шумавыя гранаты.
Больш за тое, 4 сакавіка ў перыяд з 9 да 15 гадзін група нявызначаных людзей, якая знаходзілася на тэрыторыі ваеннага аэрадрома, страляла ў паветра з агнястрэльнай аўтаматычнай зброі.
Па дадзеных фактах зарэгістраваная крымінальная вытворчасць па прыкметах злачынства, прадугледжанага ч.2 арт.296 Крымінальнага кодэксу Украіны (хуліганства, здзейсненае групай людзей). Санкцыі гэтага артыкула прадугледжваюць да 4 гадоў пазбаўлення волі.
Фота: Reuters