ЕЗ ухваліў вылучэнне €11 мільярдаў Украіне
8- 7.03.2014, 7:32
- 13,099
Сродкі для Украіны будуць вылучаныя як з бюджэту ЕЗ, так і іншых еўрапейскіх фінансавых інстытутаў.
Удзельнікі саміту Еўразвяза ўхвалілі вылучэнне Украіне пакета фінансавай дапамогі ў 11 мільярдаў еўра, прапанаванага Еўракамісіяй. Пра гэта паведаміў у сваім акаўнце ў «Твітэры» старшыня Еўракамісіі Жазэ Мануэл Барозу.
I am pleased that the @EU_Commission €11 billion aid package for #Ukraine has been welcomed by all Heads of State & Government.
— José Manuel Barroso (@BarrosoEU) 6 Март 2014Прапанаваны пакет дапамогі падтрымалі ўсе кіраўнікі дзяржаў і ўрадаў, якія ўдзельнічаюць у саміце.
Раней старшыня Еўракамісіі паведамляў, што фінансавую дапамогу Украіне ў памеры 11 мільярдаў еўра плануецца прадаставіць на працягу двух гадоў. Паводле слоў Барозу, мяркуецца, што сродкі для Украіны будуць вылучаныя як з бюджэту ЕЗ, так і іншых еўрапейскіх фінансавых інстытутаў.
Таксама кіраўнік Еўракамісіі заявіў, што вылучэнне сродкаў будзе, у тым ліку, залежаць і ад падпісання Украінай пагаднення з МВФ. У рамках такога пагаднення, як мяркуецца, МВФ распрацуе для Украіны антыкрызісную праграму рэформаў, якую Кіеў абавяжа выконваць.
Раней ва ўкраінскім Мінфіне ацэньвалі аб'ём дапамогі, неабходны краіне ў бліжэйшыя два гады, у 35 мільярдаў даляраў. У ЕЗ, у прыватнасці, былі гатовыя вылучыць украінскаму боку 20 мільярдаў еўра пасля фармавання новага ўрада.
Палата прадстаўнікоў кангрэса ЗША пераважнай большасцю галасоў ухваліла ў чацвер, 6 сакавіка, пакет дапамогі Украине. Згодна з законапраектам, ЗША прадставяць Украіне 1 мільярд даляраў у выглядзе гарантый па даўгавых абавязацельствах.
