Рада бяспекі ААН пятым разам абмяркуе Крым

(абноўлена) 10 сакавiка адбудзецца чарговае пасяджэнне Рады бяспекі ААН, якое склікаецца паводле ініцыятывы Украіны.

Плануюць абмеркаваць сітуацыю, якая склалася ў Крыме, заслухаць даклад прадстаўнікоў Расеі і паглядзець на рэакцыю замежных дыпламатаў, інфармуе УНІАН.

Усе папярэднія пасяджэння Рады бяспекі паказалі, што рыторыка выступаў расейскага боку не вытрымлівае ніякай крытыкі. Нават Кітай, даўні саюзнік Расеі, заклікаў паважаць суверэнітэт Украіны і не ўмешвацца ў яе ўнутраныя справы. Пазіцыю кіраўніка расейскай Місіі Віталя Чуркіна адносна афіцыйнага Кіева не падтрымлівае ў цяперашні час ніводзін чалец Рады Бяспекі ААН.

Абурэнне прадстаўнікоў ЗША, Францыі, Вялікабрытаніі і іншых краін выклікае тое, што Расея, нягледзячы на наяўныя факты, да гэтага часу адмаўляе прысутнасць свайго вайсковага кантынгенту ў Крыме. Цяпер да гэтага дадаліся інцыдэнты з адмысловымі пасланцамі ААН і Рады Еўропы.

Зараз жа Пастаянны прадстаўнік Украіны пры ААН Юрый Сяргееў сустракаецца з кіраўнікамі іншых місій, каб даць ім аператыўную інфармацыю аб сітуацыі ва Украіне. Дыпламаты падкрэсліваюць, што аб'ектыўная і аператыўная інфармацыя на сёння - гэта асноўны інструмент у інфармацыйнай вайне, якая развязаная супраць Украіны.

Акрамя афіцыйных каналаў сувязі, украінскія дыпламаты актыўна выкарыстоўваюць сацыяльныя сеткі, каб аператыўна паведамляць калегам і журналістам аб новай інфармацыі.

Абмеркаванне ўкраінскага пытання пройдзе пятым разам за апошнія некалькі дзён для абмеркавання ўкраінскага пытання. Першая сустрэча адбылася ў мінулую пятніцу. Затым РБ ААН збіралася ў мінулую суботу, панядзелак і чацвер.