У Менску павялічаныя стаўкі падатку на здачу жылля

Павялічаны падатак на здачу жылля ў арэнду.

Адпаведная пастанова Менскага гарадскога савета дэпутатаў №394 ад 19 лютага 2014 года апублікавана сёння на Нацыянальным прававым партале, паведамляе БелТА.

Менскі гарадскі Савет дэпутатаў устанавіў памеры ставак падаходнага падатку з фізічных асоб у дачыненні да даходаў, атрыманых кватэрадаўцамі ад здачы фізічным асобам у арэнду (субарэнду), наём (паднаём) жылых і (або) нежылых памяшканняў, машына-месцаў, якія знаходзяцца ў Менску. Такія памеры ставак прымяняюцца, калi ў падатковым перыядзе даход ад здачы памяшканняў не перавысіў Br37, 835 млн.

Стаўкі для Менска ўсталёўваюцца ў залежнасці ад эканоміка-планіровачнай зоны, у якой знаходзіцца памяшканне, якое здаецца. Так, стаўка падатку на жылыя памяшканні (за кожны, што здаецца, пакой), садовыя домікі, лецішчы ў першай эканоміка-планіровачнай зоне складзе Br200 тысяч у месяц, у другі - Br170 тысяч, у трэцяй і чацвёртай - Br140 тысяч, у пятай - Br120 тысяч.

Раней за здачу жылля ў першай эканоміка-планіровачнай зоне кватэраздатчык штомесяц выплачваў у бюджэт Br135 тысяч, у другой зоне - Br110 тысяч, у трэцяй, чацвёртай, пятай зонах - Br95 тысяч.

За здачу металічных або драўляных гаражоў, машына-месцаў трэба будзе заплаціць Br45-75 тысяч, за здачу жалезабетонных або цагляных гаражоў - Br75-90 тысяч у залежнасці ад эканоміка-планіровачнай зоны. Да іншых нежылых памяшканняў прымяняецца стаўка падатку ад Br15 тысяч да Br30 тысяч за 1 кв. м плошчы.

Такія памеры ставак падатку не прымяняюцца да даходаў, атрыманых плацельшчыкамі ад ажыццяўлення прадпрымальніцкай дзейнасці або ад індывідуальных прадпрымальнікаў у выніку ўкладання з імі арэнды (субарэнды), найму (паднайму) жылых і (або) нежылых памяшканняў, машына-месцаў, якія знаходзяцца на тэрыторыі Менска.

Кантраляваць выкананне пастановы будуць пастаянныя камісіі Менскага гарадскога Савета дэпутатаў у эканамічным развіцці, фінансах і бюджэце, спажывецкім рынку, прадпрымальніцтве і рэкламе.

Пастанова ўступае ў дзеянне пасля яе афіцыйнага апублікавання.