Сепаратысты захапілі тэлерадыёкампанію «Крым»

Будынак дзяржаўнай кампаніі заняты прарасейскімі актывістамі.

Пра гэта паведамляе ў сваім акаўнце ў сацыяльнай сетцы «Фэйсбук» журналіст Асман Пашаеў.

«ТРК Крым захоплены бандытамі. У мяне пасведчанне супрацоўніка, выдадзенае ў 1998 годзе. Легальнае. На тэрыторыю не прапускаюць. Гендырэктар Гуляватый не адказвае. Кажуць, усім кіруе Аксёнаў праз маскоўскіх», - распавёў ён.

Пазней ён паведаміў, што тэлерадыёкампанію ачапілі «валанцёры з Расеі».

Раней у пятніцу ў Сімферопалі будынак Дзяржтэлерадыёкампаніі ачапілі прадстаўнікі так званай «крымскай самаабароны». Пра гэта паведамілі ў эфіры крымска-татарскага тэлеканала АТР. Паводле інфармацыі журналістаў, будынак ГТРК «Крым» быў цалкам акружаны прарасейскімі актывістамі, якія, з іх слоў, знаходзіліся там для папярэджання правакацый.

Яны не былі ўзброеныя, за выключэннем начальніка штаба асобнай роты, які заявіў, што гэта яго асабістая зброя.