«Воіны святла»: ролік з кадрамі Майдана ў сем разоў больш папулярны за афіцыйны кліп

Неафіцыйны кліп на новую песню гурта «Ляпіс Трубяцкі» набраў больш за 750 тысяч праглядаў на YouTube.

У ім - кадры з Майдана Незалежнасці, пачынаючы з лістапада мінулага года, калі пачаліся акцыі пратэсту ў Кіеве. На відэа ёсць бел-чырвона-белыя сцягі, беларус Міхаіл Жызнеўскі і армянін Сяргей Нігаян, якія загінулі 22 студзеня на Грушэўскага. Прыводзіцца таксама сюжэт з прэс-канферэнцыі Януковіча 28 лютага, калі былы прэзідэнт Украіны зламаў ручку, просячы прабачэння ва ўкраінскага народа, піша «Наша Нiва».

Цікава, што афіцыйны кліп «Ляпісаў» на гэтую песню, выкладзены 4 сакавіка, набраў у сем разоў менш праглядаў.