Мусульманкі Украіны папярэдзілі ўлады Расеі
33- 8.03.2014, 17:30
- 96,839
Жаночыя мусульманскія арганізацыі Украіны выступілі з заявай.
«Гвалт заўсёды жудасны, а братазабойчая вайна жудасней у сто разоў.
Мы, жанчыны Украіны, асуджаем любыя заклікі да эскалацыі напружанасці і ўзброенага супрацьстаяння. Там, дзе мужчыны дзеля дагаджання чужым палітычным амбіцыям становяцца па розныя бакі барыкад, жанчыны Украіны і Расеі аб'ядноўваюцца вакол агульнага страху за лёсы сваіх дзяцей, братоў, мужоў і бацькоў.
Нашы кіраўнікі абавязаныя памятаць і разумець - з тых, каму шмат дадзена, шмат і патрабуецца. Кожны, хто імкнецца выпусціць у наш свет дэманаў вайны, павінен усведамляць, наколькі вялікая яго ноша перад Усявышнім, колькі болю і пакут застануцца на яго сумленні.
Мы хочам нагадаць надзеленым уладай, што для нас, жанчын, няма чужога гора і няма чужых дзяцей. Адкуль бы мы ні былі родам, на якіх бы мовах ні казалі, усе мы: маці, жонкі і сёстры, - заклікаем суайчыннікаў да міру і згоды.
Украінцы! Не паддавайцеся на правакацыі, не дазваляйце ўцягнуць сябе ў міжусобіцу. Адстаўце на час рознагалоссі і старыя крыўды - Украіна наш агульны дом і толькі разам мы зможам дамагчыся для яе міру і дабрабыту. Сёння, як ніколі раней, нам, украінцам, варта праявіць цярпенне і мудрасць.
Жаночая грамадская арганізацыя «Мар’ям» (Кіеў)
Жаночая грамадская арганізацыя «Нур» (Крым)
Жаночая грамадская арганізацыя «Хаят-Жыццё» (Данецк )»