Экспертаў АБСЕ зноў не пусцілі ў Крым
19- 8.03.2014, 17:32
- 15,411
Місію Арганізацыі ў бяспецы і супрацоўніцтве ў Еўропе зноў не пусцілі на тэрыторыю Крыма.
Пра гэта паведамляе Agence France-Presse са спасылкай на крыніцу ў арганізацыі.
Пры спробе экспертаў прайсці на тэрыторыю рэспублікі з боку мяжы былі зробленыя папераджальныя стрэлы.
Са словаў крыніцы, як мяркуецца, было зроблена тры стрэлы. У ведамстве таксама адзначаюць, што яны не былі накіраваныя ў бок экспертаў.
Раней у АБСЕ паведамілі, што місія зноў паспрабуе увайсці ў Крым у суботу. Там таксама адзначылі, што на дадзены момант група складаецца з 54 прадстаўнікоў 29 краін.