Дзмітрый Тымчук: Дзейнічаць трэба зараз і неадкладна

Украінскім уладам нельга зацягваць правядзенне антытэрарыстычнай аперацыі.

Кіраўнік Цэнтра ваенна-палітычных даследаванняў, каардынатар суполкі «Інфармацыйны супраціў» Дзмітрый Тымчук лічыць, што ўкраінскім уладам не варта адцягваць актыўную фазу антытэрарыстычнай аперацыі на ўсходзе Украіны.

Украінскім уладам і сілавікам варта неадкладна праводзіць антытэрарыстычную аперацыю. Як перадае карэспандэнт УНІАН, пра гэта ён сказаў сёння на брыфінгу ў Кіеве.

«Украінскаму ўраду і сілавікам цягнуць няма куды. Аперацыю трэба праводзіць неадкладна, паколькі гэтая зараза распаўзаецца па ўсім Данбасе і пагражае перакінуцца на поўдзень, у Адэсе пачаліся ўжо нейкія незразумелыя рухі. Дзейнічаць трэба зараз і неадкладна», - адзначыў Тымчук.

Паводле яго слоў, у рамках АТА складаецца няпростая сітуацыя з выкарыстаннем Узброеных сіл Украіны. «Яны аказваюцца не настолькі гатовыя, як гэта меркавалася. І быў шэраг непрыемных інцыдэнтаў, я, па пэўных прычынах устрымаюся ад каментара, але, думаю, Мінабароны рана ці позна дасць усю вычарпальную інфармацыю», - сказаў Тымчук. Пры гэтым ён нагадаў, што заканадаўствам Украіны выкарыстанне Узброеных сіл у антытэрарыстычнай аперацыі вельмі абмежаванае і асноўныя мерапрыемствы будуць праводзіцца праваахоўнымі органамі і спецслужбамі.

Тымчук лічыць, што такіх сіл для правядзення АТА на ўсходзе сабрана цалкам дастаткова. «Гэтымі сіламі можна праводзіць антытэрарыстычную аперацыю», - падкрэсліў эксперт. Ён распавёў, што АТА нельга параўноўваць з ваеннымі дзеяннямі, дзе мае значэнне колькасная перавага сіл праціўніка. «Тут маюць вялікую ролю фактары, якія не ўлічваюцца ў ваенным алгарытме - гэта значыць узбраенне і ўзровень падрыхтоўкі тэрарыстаў, якія захапілі аб'ект, на якой мясцовасці адбываецца аперацыя», - адзначыў ён. Паводле яго слоў, вельмі важную ролю мае тое, хто плануе і кіруе аперацыямі, і сёння ўзровень даверу да аўтарытэту кіраўнікоў аперацыі досыць высокі.

Тымчук сказаў, што ў цяперашні час у рамках антытэрарыстычнай аперацыі, якая праводзіцца ўкраінскімі сілавікамі на Данбасе, праводзяцца «кропкавыя» аперацыі па нейтралізацыі асобных груп экстрэмістаў.

Ён адмовіўся казаць пра магчымыя тэрміны заканчэння аперацыі, адзначыўшы, што гэтага не скажа ніхто, паколькі інфармацыя можа нанесці шкоду яе правядзенню. Аднак Тымчук звярнуў увагу, што Расея спрабуе паказаць усімі сіламі, што ва Украіне ідзе грамадзянская вайна. Усімі сродкамі распальвае супрацьстаянне ў рэгіёне, у тым ліку шляхам перакідання сваіх вайскоўцаў, а з другога боку пагражае выйсці з перамоўнага працэсу, калі Украіна пачне актыўныя дзеянні.

Пры гэтым эксперт выказаў меркаванне, што Расея нават пры адсутнасці актыўных дзеянняў усё роўна паказвае па сваіх тэлеканалах карцінку, што ва Украіне ідзе грамадзянская вайна. «Яна паказвае горы трупаў, якіх няма, захопленыя сілы і сродкі - але гэта ўсё фэйкі. Крэмль у гэтай сітуацыі дзейнічае, як яму ў галаву стукне», - падкрэсліў Тымчук.