Расейцы не хочуць адпачываць у «рускім» Крыме
15- 18.04.2014, 15:39
- 57,075
Турфірмы РФ адзначаюць рэзкае зніжэнне попыту на адпачынак на анэксаваным паўвостраве.
Нядаўна сайт charter97.org даведаўся ў беларускіх тураператараў, ці карыстаюцца попытам пуцёўкі на крымскія курорты напярэдадні сезону адпачынкаў. На гэты раз тыя ж пытанні былі зададзеныя расейскім турыстычным кампаніям.
«Крымам мы пакуль не займаемся, таму што няма попыту», - сказалі карэспандэнту charter97.org у маскоўскай турфірме MICЕ.
У сталічнага аператара Pegas Touristik аналагічная сітуацыя.
«У нас пакуль няма попыту на Крым. Як толькі з'явіцца, будзем займацца», - канстатавалі там.
Пецябруржцы таксама не хочуць адпачываць на акупаваным паўвостраве.
«У параўнанні з іншымі напрамкамі попыт на крымскія курорты значна менш», - адзначылі ў санкт-пецярбургскай турфірме «Мора сонца».