Невядомыя падпалілі аддзяленне «Адзінай Расеі» ў Сімферопалі
4- 18.04.2014, 15:44
- 13,991
У Сімферопалі ў офіс «Адзінай Расеі» кінулі «кактэйль Молатава».
Акно, у якое невядомыя кінулі гаручую сумесь, заклеена фанерай.
Штаб рэспубліканскага аддзялення палітычнай партыі гарэў сёння ноччу, паведамляе Цэнтр журналісцкіх расследаванняў. Пажар адбыўся ў будынку па вуліцы Аксакава ў Сімферопалі. Па папярэдніх дадзеных, ніхто не пацярпеў.
Паводле інфармацыі крыніцы ў праваахоўных органах, прычынай пажару апынулася бутэлька з гаручай сумессю, якую ноччу нехта кінуў у акно офіса. Ад агню пацярпела толькі кухня, астатнія памяшканні напоўніліся дымам. Плошча пажару склала каля 5 квадратных метраў.
У цяперашні час каля офіса знаходзяцца супрацоўнікі ЖКГ. Акно, у якое невядомыя кінулі гаручую сумесь, заклеена фанерай.
Нагадаем, крымскія «рэгіяналы» пасля акупацыі паўвострава сталі «Адзінай Расеяй».