Уцечка аміяку на «Гродна Азоце»?

На ААТ «Гродна Азот» адбылася ўцечка атрутнага рэчыва.

Пра гэта сайту charter97.org паведаміў чытач.

«Сёння на ААТ «Гродна Азот» адбылася ўцечка аміяку. Улады спрабуюць схаваць гэтую інфармацыю ад насельніцтва», - адзначыў ён.

У інфармацыйна-рэдакцыйным аддзеле прадпрыемства дадзеную інфармацыю карэспандэнту charter97.org каментаваць адмовіліся.

«Я ўвогуле не ведаю, з кім размаўляю, можа, мяне нехта разыгрывае з суседняга кабінета. Што я магу каментаваць у такой сітуацыі? Прыязджайце да нас на «Азот», падыхайце на тэрыторыі - і вы зразумееце, адбылася ўцечка ці не», - заявілі там.

У Гродзенскім абласным упраўленні МНС сказалі, што паведамленняў аб уцечцы аміяку на «Гродна Азоце» ў апошні час не паступала.