Каля сірыйскага парламента падарваліся мінамётныя снарады
- 21.04.2014, 12:02
- 2,888
Два мінамётных снарада падарваліся ў панядзелак блізу будынка парламента Сірыі.
У выніку абстрэлу загінулі пяць чалавек, піша «Інтэрфакс».
Са свайго боку сірыйскае агенцтва САНА адзначае, што снарады падарваліся прыкладна ў 100 метрах ад будынка парламента.
Мяцежнікі, якія вядуць барацьбу супраць сірыйскіх уладаў, час ад часу абстрэльваюць цэнтральныя кварталы Дамаска. Аднак пакуль ні адна з паўстанцкіх груповак не ўзяла на сябе адказнасць за напад.