Поўнач Крыма можа ператварыцца ў пустыню
16- 21.04.2014, 17:23
- 20,609
Самаабвешчаны «прэм'ер» Крыма заяўляе, што поўнач паўвострава можа стаць пустыняй з-за другаснага засалення глеб.
Пра гэта Сяргей Аксёнаў заявіў, выступаючы на пасяджэнні Дзяржсавета РФ, паведамляе УНН. Ён адзначыў, што на паўвостраве варта правесці неадкладную рэканструкцыю меліярацыйных фондаў.
«Фактычна 230 000 гектараў абрашаных зямель ужо страчаныя... Варта аднавіць і пашырыць парк дажджвальнай тэхнікі», - сказаў Аксёнаў.
Аксёнаў нагадаў Пуціну і пра праблему функцыянавання Паўночна-Крымскага канала, праз які, як вядома, на паўвостраў пастаўлялася вада з мацерыковай Украіны.
«Вострай праблемай з'яўляецца аднаўленне ўрадлівасці глеб. Крыму пагражае другаснае засаленне глеб... Хачу падкрэсліць, што без арашэння поўнач Крыма можа ператварыцца ў пустыню», - сказаў Аксёнаў.
