Расейскі тэлевядучы Юрый Нікалаеў экстрана шпіталізаваны
6- 22.04.2014, 10:54
- 25,416
21 красавіка вядомы расейскі шоў-мэн і тэлевядучы Юрый Нікалаеў быў тэрмінова шпіталізаваны ў адну з маскоўскіх клінік.
Нікалаева прывезлі ў анкалагічнае аддзяленне адной са сталічных клінік з падазрэннем на злаякасныя пухліны. Тое, як будуць лячыць народнага артыста ў далейшым, неўзабаве вырашыць медычны кансіліум, перадае БелТА.
Некалькі гадоў таму Нікалаеў ужо ледзь не стаў ахвярай страшнага захворвання. У 2007 годзе Нікалаеў ужо змагаўся з другой страшнай хваробай - ракам кішачніка, перанёс некалькі аперацый і хіміятэрапію. Артыст не толькі ўстаў на ногі, але і вярнуўся на тэлеэкран. Магчыма здароўе зноў падвяло артыста.
У той жа час, некаторымі СМІ паведамляецца, што яны датэлефанаваліся да тэлевядучага, і ён запэўніў сваіх прыхільнікаў у сваім добрым стане.
Юрый Нікалаеў скончыў Дзяржаўны інстытут тэатральнага мастацтва па спецыяльнасці "акцёр тэатра і кіно". З 1975 па 1991 год Юрый Нікалаеў з'яўляўся пастаянным вядучым штотыднёвай музычнай праграмы "Утренняя почта". У 1997 годзе праграма вярнулася на тэлеэкраны. У розныя гады Юрый Аляксандравіч вёў праграмы "Голубой огонек", "Песня года", "Спокойной ночи малыши".
Зараз народны артыст Расеі актыўна прысутнічае на тэлеэкранах - вядзе праграмы "Танцы на льду", "Танцы со звездами", "Достояние республики".