Уздоўж мяжы на ўсходзе Украіны разгорнутыя лагеры

Таксама ўздоўж мяжы створаныя агнявыя пазіцыі і пункты назірання.

Пра гэта паведамілі ва ўсходнім рэгіянальным медыяцэнтры Мінабароны, перадае "Дело".

"Наша сіла ў параўнанні з пачаткам вясны павялічылася ў разы. Разумеючы важнасць нашых дзеянняў, мы ў самыя кароткія тэрміны выканалі інжынернае абсталяванне ўсіх агнявых пазіцый і сумесна з прадстаўнікамі іншых сілавых ведамстваў арганізавалі абарону і патруляванне мясцовасці. Хачу адзначыць, што за апошні час мы добра падрыхтаваліся і гатовыя да выканання любых задач.

На "перадавой" зараз можна ўбачыць прадстаўнікоў усіх родаў войскаў Сухапутных войскаў. Некаторыя прыцягваюцца да вучэбна-баявых задач, а астатнія працуюць для іх забеспячэння. Нямала ў шэрагах змешаных падраздзяленняў і воінаў-міратворцаў", - адзначыў камандзір тактычнай групы падпалкоўнік Дзмітрый К.

Ён таксама адзначыў, што кругласутачнае дзяжурства нясуць і ваенныя калектывы радыётэхнічных і зенітных ракетных войскаў Паветраных Сіл, узмоцненыя зенітнымі ракетнымі падраздзяленнямі Сухапутных кампанентаў Узброеных Сіл. Яны сочаць за паветранай прасторай Украіны і гатовыя прадухіліць несанкцыянаваныя пералёты.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.

У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.

Ноччу 20 красавіка ў горадзе Славянску Данецкай вобласці, які захоплены тэрарыстамі, была арганізаваная чарговая правакацыя. Каля 3:00 на блокпосце паміж дзвюма групамі грамадзян узнікла ўзброеная сутычка. У выніку гэтага, загінулі, па розных дадзеных, ад аднаго да трох чалавек. Тэрарысты выкарыстоўвалі правакацыю для просьбы да Пуціна аб увядзенні войскаў ва Усходнюю Украіну.