На запраўках забароняць прадаваць піва
19- 22.04.2014, 17:32
- 18,205
У Беларусі таксама будзе забаронена прадаваць піва ў пластыкавых бутэльках аб'ёмам больш за два літра.
Акрамя таго, устаноўленая забарона на продаж дадзенага напою ў некаторых грамадскіх месцах, паведамляе БелаПАН.
У спісе забароненых - гандлёвыя аб'екты, размешчаныя ў будынках са школамі, бальніцамі, культурнымі і спартыўнымі ўстановамі, будоўлямі, аддзеламі дзяржорганаў, з аўтазаправачнымі станцыямі, на якіх не абсталяваны асобны ўваход для кафэ або крамы. Забарона закране таксама продаж праз інтэрнэт.
Новаўвядзенне прадугледжана пастановай Савета міністраў №367 ад 18 красавіка 2014 года і пачне дзейнічаць з 22 ліпеня.