Ладуцька патрабуе ад уладальнікаў кавярняў усталяваць «правільныя» сметніцы
34- 22.04.2014, 21:25
- 20,910
Смеццевыя скрыні ў цэнтры Менска павінны адпавядаць адзінаму ўзору.
Пра гэта паведамляе агенцтва «Мінск-Навіны».
«Быў абраны адзіны дызайн для сметніц, якія ўсталёўваюць побач з крамамі, аб'ектамі грамадскага харчавання ды іншымі ўстановамі, размешчанымі ўздоўж праспекта Незалежнасці і цэнтральных вуліц горада, - адзначыла галоўная спецыялістка аддзела гістарычнай забудовы і добраўпарадкавання камітэта архітэктуры і горадабудаўніцтва Менгарвыканкама Ірына Вабішчэвіч. - Гэты дызайн быў зацверджаны ў Менгарвыканкаме. ЖРЭА раёнаў выдалі арандатарам адпаведныя загады аб замене сметніц».
Эталон узялі замежны, але беларуская кампанія не змагла яго паўтарыць. Таму ўладальнікам кавярняў і крам усё ж давядзецца купіць замежныя скрыні, хоць і каштуюць яны значна даражэй.
Спецыяліст Менгарвыканкама намагае, што скрыні для смецця не павінны адрознівацца ад зацверджанага ўзору, у адваротным выпадку іх не ўзгодняць.
Для другарадных вуліц сталічныя ўлады зрабілі патуранне. Арандатары і ўладальнікі гандлёвых плошчаў могуць выбраць для сваіх аб'ектаў скрыні альтэрнатыўнага дызайну. Галоўнае патрабаванне - сметніцы павінны мець прыстойны выгляд.