Сепаратысты ў Славянску захапілі дзіцячыя сады
37- 24.04.2014, 17:41
- 27,505
Самаабвешчаны «мэр» Славянска Вячаслаў Панамароў даў каманду сваім узброеным баявікам заняць дзіцячыя сады.
Пра гэта паведамляе журналіст Раман Бурко ў «Фэйсбуку», спасылаючыся на сведчанні відавочцаў.
Па іх дадзеных, па 5-6 чалавек са зброяй з 13:00 знаходзяцца непасрэдна ў дзіцячых садах і школах. Самаабвешчаным мэрам дадзеная каманда сваім тэрарыстам выкарыстоўваць тактыку Пуціна - прыкрывацца жанчынамі і дзецьмі, піша lb.ua.
Бацькі, якія прыйшлі забіраць сваіх дзяцей з саду загадзя, сутыкнуліся з тым, што дзяцей ім не аддаюць пад рознымі прычынамі.
Нагадаем, што раніцай самаабвешчаны мэр абяцаў забіць усіх закладнікаў і расстраляць жыхароў горада за садзейнічанне ўкраінскім вайскоўцам.
Пасля таго, як напярэдадні пачатку антытэрарыстычнай аперацыі (АТА) ў Славянску былі расклееныя ўлёткі, у якіх мірных грамадзян заклікаюць не пакідаць свае дамы, не паддавацца на правакацыі і не выконваць злачынныя загады самаабвешчанай бандыцкай улады Панамароў абвясціў аб расстрэле на месцы ўсіх, у каго будзе выяўленая дадзеная ўлётка.
Фота: AP