Кіраўнік МЗС Германіі патрабуе ад АБСЕ больш рашучых дзеянняў
1- 25.04.2014, 11:20
- 5,770
Міністр замежных спраў Германіі Франк-Вальтэр Штайнмаер запатрабаваў ад АБСЕ больш актыўных дзеянняў для вырашэння крызісу ва Украіне і забеспячэння выканання Жэнеўскага пагаднення.
Пра гэта паведамляе ў пятніцу нямецкая газета Süddeutsche Zeitung, перадае Інтэрфакс-Украіна.
Як заявіў Штайнмаер у афіцыйным лісце кіраўніку АБСЕ Дыдзье Буркхальтэру, адным з магчымых рашэнняў могуць стаць перамовы канфліктуючых бакоў і АБСЕ ў рамках "круглага стала".
Неабходна, каб усе бакі Жэнеўскага пагаднення выказалі "відавочную палітычную падтрымку" адзін аднаму, лічыць міністр.
На чатырохбаковай сустрэчы ў Жэневе ЕЗ-РФ-ЗША-Украіна было прынятае пагадненне аб тым, што ўсе бакі ва Украіне павінны ўстрымлівацца ад гвалтоўных дзеянняў, запалохванняў і правакацый, усе ўзброеныя групы павінны быць раззброеныя, усе незаконна занятыя будынкі павінны быць вернутыя іх уладальнікам.
Фота: AP