Самалёт кампаніі Virgin экстранна сеў на Балі з-за пагрозы захопу
- 25.04.2014, 12:05
- 5,747
Самалёт авіякампаніі Virgin Australia у пятніцу зрабіў экстранную пасадку ў аэрапорце выспы Балі з-за пагрозы згону.
Пра гэта паведамляе мясцовы тэлеканал Metro TV.
Самалёт ляцеў з аўстралійскага горада Брысбена. Раптам адзін з пасажыраў паспрабаваў трапіць у кабіну пілотаў, пасля чаго камандзір экіпажа падаў сігнал трывогі. Самалёт экстранна сеў у міжнародным аэрапорце Дэнпасар, дзе зламыснік быў затрыманы.
У авіякампаніі спробу захопу адмаўляюць, аддаючы перавагу называць НЗ "непаразуменнем".
Інцыдэнт адбыўся з самалётам Boeing 737-800. Колькі ўсяго чалавек знаходзілася на борце судна ў момант інцыдэнту, не паведамляецца, перадае Sky News.
Пасля пасадкі аўстралійскага лайнера ў аэрапорце Балі былі прынятыя павышаныя меры бяспекі.