«Шальке» адмовіўся ехаць у Маскву па запрашэнні Пуціна
4- 25.04.2014, 12:42
- 8,214
Нямецкі футбольны клуб «Шальке 04», галоўным спонсарам якога выступае расейскі канцэрн «Газпрам», з-за крызісу ва Украіне адмовіліся ад паездкі ў Маскву па запрашэнні прэзідэнта РФ.
Пра гэта заявіў афіцыйны прадстаўнік прэзідэнта клуба Клеменса Тэніса, паведамляе Укрінфарм.
«Улічваючы актуальную палітычную сітуацыю прыняць гэтае запрашэнне зараз было б недарэчным», - цытуе яго нямецкая газета Rheinische Post.
Раней планы футбалістаў з нямецкага Гельзенкірхена пасля чэмпіянату свету ў Бразіліі наведаць Маскву выклікалі вострую крытыку з боку мясцовых палітыкаў і грамадскасці.
Клуб вернецца да разгляду пытання аб магчымай паездкі ў Маскву пасля таго, як «у стасунках паміж Расеяй і міжнароднай супольнасцю пройдзе напружанне, якое існуе цяпер».
ФК «Шальке 04» з'яўляецца адной з самых паспяховых каманд нямецкай Бундэслігі. З 2007 года яе галоўным спонсарам з'яўляецца расейскі «Газпрам».
Фота: zonadeportiva.net