Обама спас бы тонущего Путина, но анонсировал новые санкции против РФ
6- 25.04.2014, 15:08
- 16,494
Применения санкций в отношении конкретных лиц в России в связи с украинским кризисом может быть недостаточно.
Абама выратаваў бы Пуціна, калі б ён тануў, але анансаваў новыя санкцыі супраць РФ
Прымянення санкцый у дачыненні да канкрэтных асоб у Расеі ў сувязі з украінскім крызісам можа быць недастаткова.
Пра гэта заявіў у пятніцу ў Сеуле прэзідэнт ЗША Барак Абама, інфармуе "Інтэрфакс-Украіна".
Паводле яго слоў, кропкавыя санкцыі ў дачыненні да грамадзян Расеі не абавязкова вырашаць праблему, могуць спатрэбіцца іншыя меры.
Ён таксама паведаміў, што на працягу пятніцы мае намер абмеркаваць з шэрагам лідараў еўрапейскіх краін украінскі крызіс і магчымасць увядзення чарговых санкцый у дачыненні да шэрагу сектараў расейскай эканомікі.
Барак Абама таксама заявіў, што быў бы гатовы выратаваць Уладзіміра Пуціна ў выпадку, калі б кіраўнік расейскай дзяржавы тануў.
"Я адназначна б выратаваў Пуціна, калі б ён тануў", - сказаў Абама.
Па словах Б.Абамы, ён таксама хацеў бы думаць, што і Пуцін таксама б яго выратаваў.
17 красавіка прэзідэнт Расеі, адказваючы на пытанне шасцігадовай дзяўчынкі Альбіны падчас "прамой лініі" з грамадзянамі, выказаў меркаванне, што Абама выратаваў бы яго, калі б ён тануў, таму што ён прыстойны і мужны чалавек.
"Не магу сказаць, што ў нас нейкія асаблівыя асабістыя стасункі склаліся з прэзідэнтам ЗША. Але я думаю, што ён прыстойны чалавек, і мужны дастаткова. І ён бы, вядома, зрабіў гэта (выратаваў)", - адзначыў Пуцін.
Пры гэтым прэзідэнт дадаў, што яму вельмі б не хацелася, каб з ім гэта здарылася.