«Алмаз» штурмаваў кватэру ў Менску (Відэа)

У Першамайскім раёне сталіцы затрыманы падазраваны ў распаўсюдзе наркотыкаў.

Паводле інфармацыі ГУУС Менгарвыканкама, 33-гадовы мужчына рэалізоўваў псіхатропныя рэчывы на тэрыторыі горада.

Затрыманы размяшчаў аб'яву ў Інтэрнэце па продажы псіхатропаў, а затым на арандаванай машыне прывозіў «тавар» пакупніку. Падчас затрымання ў машыне падазраванага было выяўлена 10 грам асабліва небяспечнага псіхатропнага рэчыва. У дачыненні да яго распачатая крымінальная справа за незаконны абарот наркотыкаў. Раней мужчына ўжо прыцягваўся да адказнасці за аналагічнае злачынства.

Літаральна праз некалькі дзён крымінальная справа па тым жа артыкуле КК была ўзбуджаная ў дачыненні да яшчэ аднаго пастаўшчыка наркатычных рэчываў. У ходзе правядзення аператыўна-вышуковых мерапрыемстваў падазраваны быў затрыманы па месцы жыхарства. Пры аглядзе ў кватэры было выяўлена больш 3-х грамаў метадону, 2 шпрыца з гатовым наркотыкам для продажу і паляўнічы нож, які захоўваўся пад падушкай.

У цяперашні час абодва затрыманыя знаходзяцца ў ізалятары.