Сустрэча па жэнеўскіх дамоўленасцях пройдзе без Расеі
4- 25.04.2014, 17:15
- 11,877
У сённяшніх кансультацыях па жэнеўскіх дамоўленасцях возьмуць удзел усе бакі, акрамя Расейскай Федэрацыі.
Пра гэта паведаміў на брыфінгу Яўген Перабійніс, перадае ЛІГАБізнесІнформ.
"На сёння запланаваная чарговая сустрэча ў фармаце кансультацый бакоў жэнеўскіх дамоўленасцяў і місіі АБСЕ, удзел у якой пацвердзілі ўсе бакі, акрамя Расейскай Федэрацыі, якая паведаміла пра немагчымасць удзелу свайго прадстаўніка ў гэтай сустрэчы", - сказаў ён.
Нагадаем, сустрэчы праходзяць у рамках пачатага МЗС яшчэ 18 красавіка фармаце штодзённых каардынацыйных кансультацый са спецыяльнай маніторынгавай місіяй АБСЕ ва Украіне пры ўдзеле прадстаўнікоў удзельнікаў Жэнеўскай сустрэчы 17 красавіка 2014 - Еўрапейскага звяза, Расейскай Федэрацыі, Злучаных Штатаў Амерыкі, Швейцарскага старшынства ў АБСЕ.
"Пачынаючы з пятніцы, у фармаце чатырох бакоў, якія прынялі Жэнэўскае пагадненне, з прыцягненнем кіраўніцтва місіі АБСЭ распрацоўваем канкрэтныя шляхі і меры, якія павінны былі б прывесці да дээскалацыі ва ўсходніх абласцях Украіны", - сказаў в.а. міністра замежных спраў Украіны Андрэй Дзешчыца.