Акрамя верталёта ў Краматорску ўзарвалі самалёт
7- 25.04.2014, 17:57
- 10,752
Украінцы перакананыя, што гэта справа рук расейскіх дыверсантаў.
Уласнік будынка былога аэрапорта Дзмітрый Падушкін паведаміў, што акрамя верталёта Мі-8 быў знішчаны самалёт АН-2.
Пра гэта ён распавёў журналістам, перадаюць Новости Краматорска.
Ён мяркуе, што дадзены інцыдэнт не што іншае як "дыверсійны акт". Прычым здзейснілі яго "як мяркуецца, расейскія дыверсанты".
Падчас яго знішчаны Мі-8 і АН-2. Таксама часткова разбураны будынак аэрапорта. Акрамя таго, пацярпеў камандзір паветранага судна, "але не смяротна".
Кіраваны снарад, "прыляцеў з боку гаражоў вуліцы Паркавай", пасля чаго і адбыўся выбух. Здэтанавалі боепрыпасы, якія знаходзіліся ўнутры верталёта.
Мі-8 выкарыстоўваўся для гаспадарчых патрэб, прывозіў прадукты. У гэты раз ён прылятаў за хворым.
На месцы здарэння працуюць супрацоўнікі міліцыі, пракуратуры і пажарныя.