СБУ затрымала Тапаза ў Данецку
20- 25.04.2014, 18:35
- 27,457
Адыёзнага актывіста Антымайдану затрымалі падчас сустрэчы з расейскімі журналістамі.
Пра гэта паведамляе сайт «Галоўрэд».
СБУ затрымала харкаўскага сепаратыста Ігната Крамскога па мянушцы «Тапаз». А карэспандэнта і аператара расейскага тэлеканала LifeNews Юлію Шуструю і Міхаіла Пудаўкіна дэпартуюць з Украіны.
«Супрацоўнікі СБУ паведамілі, што нас дэпартуюць з краіны, заявіўшы, што наша знаходжанне на тэрыторыі Украіны пагражае яе цэласнасці і бяспецы», - паведаміла журналістка.
Тэлеканал удакладняе, што яго супрацоўнікаў затрымалі 10 чалавек у масках, калі яны рыхтаваліся запісаць інтэрв'ю з сепаратыстамі Ігнатам Крамскім, якога пасля таксама затрымалі.
Нагадаем, «Тапаза» міліцыя затрымала за ўдзел у штурме 1 сакавіка Харкаўскай АДА. Суд пасадзіў яго пад хатні арышт на два месяцы.
6 красавіка «Тапаз» зняў электронны бранзалет сачэння і ўцёк. 16 красавіка міліцыя абвясціла Крамскога ў вышук.